ఇరుక్కుపోయిన పిల్లి - సమీర చెప్పిన కథ

ఒక ఊరులో ఒక పిల్లి, ఎలుక, కుక్క ఉండేవి. ఒక సారి పిల్లికి ఎలుక తినాలనిపిచ్చింది. కానీ ఎలుక ఎప్పుడూ తప్పిచ్చుకునేది.
అందుకే ఒక సారి పిల్లి కుక్క దగ్గరికి వెళ్లింది. "నాకొక ట్రాప్ పెడతావా?"  అనడిగింది.
"ఎందుకు?" అంటే- కుక్క అడిగింది.

సమీర, మూడవ తరగతి

"ఎందుకంటే ఎలుకని కాచ్ పట్టుకోవడానికి " అంది పిల్లి.
"సరే"  అని ఇద్దరూ పెట్టారు.
తర్వాత ఎలుకను పట్టుకుంది, తినేసింది పిల్లి.
అప్పుడు కుక్క అడిగింది " నేను నీకు సహాయం చేసా గాబట్టి , నాకు నువ్వు సహాయం చేస్తావా? " అనడిగింది కుక్క.
"సరే ఏంటి నీ సహాయం చెయ్యాలి? " అనడిగింది పిల్లి.
" నేను నిన్ను తింటానూ "  అంది కుక్క.  " అయ్యయ్యో, నేను ఇరుక్కు పొయ్యాను " అని  పిల్లి బాధ పడింది .  అందుకనే మంచి వాళ్లతోనే స్నేహం చెయ్యాలి. ఇదీ నా కథ.

.............................